Overflow

Normalmente, os contidos dun elemento pódense mostrar no espazo reservado para ese elemento. Non obstante, nalgunhas ocasións o contido dun elemento non cabe no espazo reservado para ese elemento e desbórdase.

A situación máis habitual na que o contido sobresae do seu espazo reservado é cando se establece a anchura e/ou altura dun elemento mediante a propiedade width e/ou height. Outra situación habitual é a das liñas moi longas contidas dentro dun elemento <pre>, que fan que a páxina enteira sexa demasiado ancha.

CSS define a propiedade overflow para controlar a forma na que se visualizan os contidos que sobresaen dos seus elementos.

Propiedade	Valores que acepta	Descrición
overflow	visible: o contido non se corta e móstrase sobresaíndo a zona reservada para visualizar o elemento. Este é o comportamento por defecto. hidden: o contido sobrante ocúltase e só se visualiza a parte do contido que cabe dentro da zona reservada para o elemento. scroll: soamente se visualiza o contido que cabe dentro da zona reservada para o elemento, pero tamén se mostran barras de scroll que permite visualizar o resto do contido. auto: o comportamento depende do navegador, aínda que normalmente é o mesmo que a propiedade scroll	Permite controlar os contidos sobrantes dun elemento

A seguinte imaxe mostra un exemplo dos tres valores típicos da propiedade overflow: