Para poder executar correctamente o traballo que temos por diante, é imprescindible ter unhas nocións sólidas sobre HTML5, polo que é aconsellable ter seguido a primeira parte deste material, onde explico o funcionamento básico de HTML e a estrutura xeral dunha páxina web, como inserir recursos multimedia ou traballar coas listas e táboas.
Neste punto xa coñecemos as etiquetas fundamentais de HTML, pero: Sabemos xa deseñar un sitio web?
Só parcialmente. Na actualidade xa non abonda con manexar HTML para realizar estas tarefas; necesitamos coñecer tamén o estándar que o complementa, CSS, acrónimo de follas de estilo en cascada.
A norma CSS facilítanos un conxunto de elementos que poderemos aplicar ás nosas etiquetas HTML para proporcionarlles a aparencia desexada.
O uso de follas de estilo é obrigatorio nas páxinas web creadas con HTML5, xa que nese estándar se abandonan todas as etiquetas e parámetros que no seu día permitiron aplicar formato.
Isto é, HTML5 encárgase de definir a estrutura da páxina e CSS o estilo e o deseño.
HTML nunca foi pensado para conter etiquetas para dar formato a un documento xa que pretende definir o contido dun documento pero non así o formato ou como se presenta ese contido. Así, con HTML definimos elementos como, por exemplo:
<h1>
Este é un encabezado
</h1>
<p>
Este é un parágrafo.
</p>No HTML non poremos de que cor, tamaño de letra, borde... aparece ese parágrafo ou o título. Sen embargo, para chegar hasta aquí non foi un proceso rápido.
No estándar HTML 3.2 se engadiron etiquetas con atributos para establecer formatos, por exemplo unha desas etiquetas (<font>) permitía establecer unha cor a un texto. Con isto comezou un pesadelo para os desenvolvedores web, xa que nos grandes sitios web, onde se engadiron diferentes tipos de letra e cor para cada páxina, o proceso de programación Web converteuse nun proceso longo e custoso. Ademais, cando querían modificar os cores ou tipos de letra tiñan que volver a modificar cada unha das páxinas, e normalmente eras unhas cantas.
Para resolver este problema, o World Wide Web Consortium (W3C) creou CSS. A partir de HTML 4.0, todos as etiquetas e atributos de formato podían ser retiradas do documento HTML, e almacenarse nun arquivo CSS independente.
CSS define como os elementos HTML se van mostrar. Os estilos gárdanse normalmente nos arquivos CSS externos (follas de estilo externas) e permiten cambiar a aparencia e o deseño de todas as páxinas dun sitio Web, simplemente editando un só arquivo!
Licenciado baixo a Licenza Creative Commons Recoñecemento Compartir igual 4.0